काठमाडौँ । क्यानडा पठाउँछु भनेर ठगेको आरोपमा प्रहरीले एक जनालाई पक्राउ गरेको छ । पक्राउ पर्नेमा पर्सा घर भएर ललितपुर बस्ने महावीर प्रसाद जैसवाल छन् ।५० वर्षीय जैसवाललाई ठमेलबाट पक्राउ गरिएको उपत्यका अपराध अनुसन्धान कार्यालयका एसपी काजीकुमार आचार्यले रातोपाटीलाई बताए ।

क्यानडाको सपना देखाएर ३ जनासँग उनले ५ लाख २० हजार ठगेका हुन् । रकम लिएपछि क्यानडा नपठाएर उनी पीडितसँग सम्पर्कविहीन भएका थिए । उनलाई कानुनी कारवाहीका लागी प्रहरीले वैदेशिक रोजगार विभागमा पठाएको छ ।