आईसीसी विश्वकप क्रिकेट लिग टु अन्तर्गतको खेलमा नेपालले नामिबियालाई १६९ रनको लक्ष्य दिएको छ । कीर्तिपुरस्थित टियु क्रिकेट मैदानमा बुधबार भएको खेलमा नेपाल ३६.२ ओभरमा १६८ रन बनाउँदै अलआउट भयो ।

नेपालका लागि आशिफ शेखले अर्धशतकीय इनिङ खेले । आशिफले ६४ बलमा ५८ रन बनाए । यस्तै कुशल मल्लले ३६ रन बनाउँदा भीम सार्कीले २६ रनको योगदान दिए । कुशल भुर्तेलले १८ रन बनाए भने करण केसीले १२ रन बनाए । नेपालका कप्तान रोहित पौडेल, अनिल साह र देव खनाल शून्य रनमा आउट भए ।

नामिबियाका बर्नार्ड स्कोल्ज र निकोल लोफ्टि-इटनले ४/४ तथा ज्याक ब्रेसल र जेराल्ड एरास्मसले एक/एक विकेट लिए ।